NÓS-UP reclama greve geral de 24 horas em Ponte Areas
11 de Novembro de 2004
Convidada polo
Comité de empresa de AVIGAN, NÓS-UP participou na assembleia
informativa decorrida na Cámara municipal de Ponte Areas em relaçom
com o conflito da citada empresa, no passado dia 4
de Novembro. Informou-se do acordo adoptado para convocar umha greve geral
local de umha hora e se solicitava a adesom e o apoio à mesma. A esta
reuniom, além da esquerda independentista, assistírom a CIG,
UGT, CC.OO, PSOE, IU, BNG, diversas associaçons vizinhais e Comunidades
de Montes, ... mas também o PP e a UCPA.
NÓS-Unidade Popular foi a única organizaçom presente que manifestou com rotundidade que o PP e a UCPA som culpadas e responsáveis pola actual situaçom que padecem as 98 trabalhadoras e trabalhadoras de AVIGAN, e portanto nom deviam estar presentes na reuniom, e muito menos ser convidadas a secundarem a medida de luita proposta.
@s representantes independentistas manifestárom que a única maneira de solucionar o conflito que enfrenta a classe obreira de AVIGAN e à patronal, que conta com o apoio da Junta da Galiza e do actual governo de Ponte Areas, e alargando e aprofundando a luita. Por isso avaliárom como tímida e insuficiente a greve de umha hora, julgando que poderá ser pouco eficaz ao existir umha renúncia a buscar o apoio activo na classe obreira das outras indústrias e empresas locais, unicamente procurando a adesom simbólica do comércio. Assim, renuncia-se ao imprescindível apoio da classe trabalhadora, apostando por "alianças" com os sectores intermédios objectivamente refractários à luita. NÓS-UP defendeu que a classe obreira tem que procurar preferentemente apoios entre a classe obreira.
NÓS-UP
leva meses propondo a convocatória de umha greve geral com maiúsculas,
de 24 horas, que paralise totalmente Ponte Areas e delimite sem ambigüidades
os objectivos que persegue, e os responsáveis pola actual situaçom
que padecem 98 famílias. A esquerda independentista defende também
a convergência da luita obreira de AVIGAN com as reivindicaçons
do IES Pedra de Água, dando carácter global e procurando umha
resposta sem precedentes. O objectivo, para NÓS-UP, deve ser gerar
conflito social, buscar a massiva adesom do povo trabalhador, para fortalecer
a luita e poder acumular mais força à hora de pressionar a empresa,
a Junta de Galiza e o Concelho.
Mais informaçom sobre o conflito de Avigan no web nacional de NÓS-UP