Dirigentes do PP e da UCPA, expulsos da mobilizaçom em apoio ao quadro de pessoal de Avigan, em Ponte Areas

24 de Novembro de 2004

Ontem decorreu em Ponte Areas a jornada de greve geral convocada polo quadro de pessoal de Avigan, e que contou, entre outros apoios, com o da esquerda independentista, organizada na comarca do Condado em NÓS-Unidade Popular e AGIR.

A greve geral de umha hora foi um êxito e a concentraçom convocada diante dos Paços do Concelho também. Porém, esta última estivo marcada pola assistência de representantes dos governantes Partido Popular e UCPA, concretamente o presidente da Cámara de Ponte Areas, Salvador González Solla (PP) e a vice-presidenta Nava Castro (UCPA). NÓS-UP manifestara já no seu dia o protesto pola permissividade ante o duplo jogo da direita local no conflito da empresa Avigan. Enquanto vereadores de ambas formaçons (José Márquez Álvarez, do PP em Salvaterra, e Juan Carlos González Carrera, da UCPA em Ponte Areas) som sócios da empresa que pretende deixar na rua dezenas de trabalhadoras e trabalhadores, esses partidos pretendem ao mesmo tempo aparecer como apoiantes da causa obreira.

Finalmente, as pressons d@s manifestantes, principalmente impulsionadas pol@s independentistas presentes, obrigou a que os responsáveis institucionais da direita espanhola abandonassem a concentraçom, "convidad@s" por representantes d@s trabalhadores e trabalhadoras.

Só depois de González Solla e Nava Castro terem ido embora foi que se leu o manifesto em apoio à causa operária, advertindo da possibilidade de ser convocada proximamente umha greve local de 24 horas.

NÓS-Unidade Popular informa no seu web nacional do seu apoio às medidas de pressom obreira, congratulando-se do sucesso da jornada de greve e da expulsom dos representantes do PP e UCPA da concentraçom. Chama a atençom porém sobre o erro de procurar apoios entre @s responsáveis da situaçom, apostando por umha radicalizaçom da luita em defesa dos postos de trabalho e do futuro das trabalhadoras e trabalhadores de Avigan.

:: Mais informaçons sobre o mesmo tema

NÓS-UP reclama greve geral de 24 horas em Ponte Areas (+...)

Avigan: "os postos de trabalho na nossa terra" (+...)

 

Voltar à página principal

 

 

González Solla, presidente da Cámara de Ponte Areas (PP) foi "convidado" a abandonar a concentraçom em apoio ao quadro de pessoal de Avigan a iniciativa da esquerda independentista