Dezenas de milhares de basc@s saem à rua em defesa da língua e os direitos civis
27 de Fevereiro
de 2005
Ontem foi umha jornada de mobilizaçons no País Basco. Apesar do silenciamento dos meios de comunicaçom do Estado espanhol e da cumplicidade das forças políticas do sistema, importantes sectores do povo basco continuam a mostrar um alto grau de compromisso em defesa dos direitos nacionais e sociais.
Em relaçom com o macrojulgamento que as instáncias judiciais e políticas espanholas dirigem contra grande número de jovens pola sua pertença à organizaçom juvenil independentista SEGI, 30.000 pessoas tomárom as ruas de Bilbo para reclamar o fim da repressom contra a juventude e defender os direitos civis do povo basco.
A manifestaçom foi convocada pola plataforma '18/98+' e o seu porta-voz Mariano Ferrer salientou a importante cobertura popular "à defesa dos direitos civis e políticos de todos", quando a Audiência Nacional espanhola, verdadeiro tribunal político, desenvolve numerosos macroprocessos contra meios de comunicaçom, organizaçons juvenis e outros organismos populares bascos.
Porém, a de Bilbo nom foi a única manifestaçom massiva
de ontem em Euskal Herria. Na capital histórica do país, Irunha,
por volta das 10.000 bascas e bascos reclamárom a oficialidade do euskara
no conjunto do território navarro, frente às contínuas
agressons e recortes aos direitos lingüísticos por parte do governo
da direita espanhola governante. Convocou a marcha o colectivo Oinarriak,
contando com o apoio de numerosos organismos populares, entre eles o sindicato
abertzale LAB e o conjunto da esquerda independentista basca.
:: Mais informaçons sobre o mesmo tema
País Basco: sucessom de macroprocessos repressivos revela natureza antidemocrática do Estado espanhol