AGIR participou no Encontro de Estudantes Europeus decorrido em Barcelona

1 de Março de 2005

A entidade estudantil da esquerda independentista, AGIR, informa no seu web da participaçom de umha delegaçom galega no Foro Social pola Educaçom que se realizou na cidade de Barcelona entre os dias 25, 26 e 27 de Fevereiro. Em concreto, AGIR tomou parte no chamado Encontro de Estudantes Europeus, que coordena a resposta dos distintos movimentos estudantis europeus ao chamado Processo de Bolonha.

No Encontro, que foi organizado pola Plataforma Mobilizadora em Defesa da Universidade Pública, de que fam parte as entidades estudantis independentistas catalás Alternativa Estell e CEPC, participárom numerosas delegaçons de colectivos estudantis da Noruega, Alemanha, Galiza, Itália, França, Euskal Herria e Països Cataláns, bem como delegaçons de diferentes universidades espanholas.

Toda a informaçom sobre o encontro e o papel galego no mesmo pode ser consultado no web da organizaçom estudantil independentista.

 

Voltar à página principal