NÓS-UP denuncia operaçons especulativas no centro de Ferrol e na Corunha

30 de Março de 2005

NÓS-Unidade Popular denunciou publicamente a tentativa do Governo municipal ferrolano, formado pola coligaçom de direita entre PP e IF (Independientes por Ferrol), para converter a praça do concelho, um dos poucos espaços abertos existentes no centro de Ferrol, num grande centro comercial e parque de estacionamento privado.

A organizaçom independentista critica o modelo de cidade das principais forças políticas, nomeadamente as que hoje governam no concelho ferrolano, que progressivamente está a liquidar espaços públicos e verdes em favor do lucrativas iniciativas privadas e pólos de atracçom do tránsito rodado para o centro, que desumanizam a urbe trasanquesa.

Frente ao modelo da direita espanhola, NÓS-UP reivindica a progressiva e completa pedonolizaçom do centro urbano e a protecçom e alargamento de espaços verdes, bem como a permanência em maos públicas de áreas e serviços públicos no concelho ferrolano.

Na operaçom especulativa em curso está envolvido o empresário e presidente do Rácing de Ferrol, Isidro Silveira. Podes ler o comunicado íntegro de NÓS-UP no seu web nacional.

Também na Corunha houvo pronunciamento público de NÓS-Unidade Popular ante a política urbanística municipal do PSOE, citando o escándalo das reformas ilegais na casa do presidente da Cámara no Parrote, o encerramento de empresas e conseguinte conversom de solo industrial em terreno edificável.

 

Voltar à página principal

 

 

Vista da praça do concelho em Ferrol, alvo de umha grande operaçom especulativa em pleno coraçom do centro ferrolano