BRIGA anuncia que participará no XVI Festival Mundial da Juventude e o Estudantado na Venezuela
6 de Abril de 2005
A entidade juvenil
independentista galega BRIGA anunciou a sua intençom de participar
no próximo XVI Festival Mundial da Juventude e o Estudantado, que irá
decorrer na primeira quinzena de Agosto na capital venezuelana, Caracas. BRIGA
fijo pública a sua vontade de levar as posiçons da esquerda
independentista galega e a sua prática política às ruas
venezuelanas, sublinhando a importáncia de um encontro internacional
que nesta nova ediçom decorre num país em que se trava umha
importáncia luita anti-imperialista.
A organizaçom juvenil da esquerda independentista tenciona contribuir para a legitimaçom do governo popular venezuelano num momento em que os EUA ameaçam de diversas maneiras a continuidade do projecto revolucionário bolivariano. Para mais informaçom, incluindo a versom galega do manifesto oficial difundido pola organizaçom do XIV Festival Mundial da Juventude e o Estudantado, podes visitar o web nacional de BRIGA.