AGIR participa no Dia Internacional do Estudantado organizado no País Basco por Ikasle Abertzaleak

19 de Novembro de 2004

A organizaçom estudantil da esquerda independentista galega, AGIR, participa na ediçom deste ano do Ikasle Eguna, Dia Internacional do Estudantado que cada ano é organizado pola entidade estudantil abertzale IA (Ikasle Abertzaleak) desde há mais de umha década.

Segundo informa AGIR no seu próprio web nacional, a entidade estudantil independentista galega estará representada no evento polo jovem Afonso Mendes Souto, numhas jornadas em que participarám também representantes do estudantado independentista catalám, também convidad@s através da Coordenadora de Estudantes dos Países Cataláns (CEPC).

Para além dos pormenores da participaçom galega nas jornadas de Euskal Herria, no web nacional de AGIR informa-se também da próxima vinda ao nosso país de representantes das respectivas entidades basca e catalá, para lhes dar a conhecer a realidade do ensino na Galiza e aprofundar no irmanamento das luitas estudantis galega, basca e catalá.

Para maiores informaçons, visita o web nacional de AGIR.

 

Voltar à página principal