NÓS-UP denuncia em conferência de imprensa processos repressivos contra a esquerda independentista

25 de Fevereiro de 2005

Três dos seis filiados de NÓS-UP que hoje serám julgados em Ferrol em relaçom com a montagem policial que os acusa de participar nos acontecimentos da manifestaçom em defesa do sector naval do passado dia 26 de Setembro, realizárom ontem umha conferência de imprensa na sede do Ateneu Ferrolano para denunciar os contínuos processos repressivos contra a esquerda independentista galega.

Frente às acusaçons de "lesons" ao vice-presidente da Cámara de Ferrol, os três militantes independentistas lembrárom que o único "delito" de que podem ser acusados é terem participado numha manifestaçom massiva em defesa do sector naval galego, convocada polas principais organizaçons sindicais e em concreto pola CIG, central de que os seis acusados fam parte. A seguir, narrárom como a Polícia espanhola tem em Trasancos e noutras comarcas do nosso país o sistemático costume de seguir, acossar, denunciar, ameaçar e até insultar verbalmente as pessoas que considera integrantes do movimento independentista, enquadrando-se esta nova acçom judicial nessa estratégia repressiva.

A absoluta carência de sustento para umha condena contra os sete acusados (seis filiados de NÓS-UP mais um outro vizinho de Ferrol que nem participou na manifestaçom) deverá garantir a livre absoluçom de todos eles. A comparecência ante os meios dos três representantes de NÓS-UP quijo servir também como mostra de que a militáncia independentista nom tem nada que ocultar, ao contrário do que a Polícia espanhola, que com as suas "discretas gestons" tenta continuamente criminalizar o movimento independentista galego.

Na conferência de imprensa de ontem informou-se também da concentraçom convocada diante dos julgados de Ferrol para as 11 horas de hoje, em solidariedade com os sete vizinhos de Trasancos e contra os julgamentos políticos a independentistas.

 

:: Mais informaçons sobre o mesmo tema

- NÓS-Unidade Popular denuncia umha nova montagem policial contra a militáncia independentista em Ferrol (+...)

- Dezenas de milhares em defesa do emprego em Ferrol (+...)

- NÓS-UP anuncia que participará na mobilizaçom de domingo em Ferrol, denunciando o colaboracionismo entre as direcçons sindicais, PP e PSOE (+...)

- AGIR adere à manifestaçom em defesa da construçom naval pública (+...)

- Mobilizaçons operárias no Condado e Trasancos (+...)

- PP, PSOE, IF, BNG e IU condenam conjuntamente a reacçom d@s operári@s de IZAR frente à provocaçom de Juan Fernández (+...)

- O tenente de alcaide de Ferrol paga a sua prepotência ante trabalhadoras/es de IZAR (+...)

 

Voltar à página principal