Debate em Lalim sobre "A esquerda nacionalista em construçom"

2 de Dezembro de 2004

No próximo dia 11 de Dezembro vai decorrer em Lalim a segunda ediçom da jornada intitulada "Um debate, mil repúblicas", organizada pola associaçom cultural "Redes Escarlata", e que ao longo de todo esse sábado tratará dous temas de actualidade política:

- De manhá, Francisco Sampedro apresentará a comunicaçom "A violência: irredutível?" e a seguir Carme Adán dissertará sobre "A violência patriarcal: mulheres, conhecimento e comida".

- Já de tarde, realizará-se um debate público para debater a necessária construçom de um referente unitário soberanista e de esquerdas na Galiza de hoje. Para tal, a partir das 17 h., representantes de NÓS-Unidade Popular, Frente Popular Galega, Partido Comunista do Povo Galego e Bases Democráticas Galegas trocarám pontos de vista na sala de actos do IES Lajeiro, na Avenida de Buenos Aires, 72, de Lalim.

As Bases Democráticas Galegas estarám representadas por Bráulio Amaro; Mariano Abalo falará em nome da FPG e José Colaço no do PCPG. O nosso camarada Carlos Morais será o representante da Direcçom Nacional de NÓS-UP no citado debate.

Finalmente, polas 19 horas, a encenaçom da peça teatral "Sete Magníficos mais um" servirá de acto de encerramento para a jornada de debate.

 

Voltar à página principal