Intensa actividade na campanha da Plataforma Galega polo NOM à Constituiçom europeia

11 de Fevereiro de 2005

Continua a bom ritmo a actividade da Plataforma Galega polo NOM à Constituiçom Europeia. No seu web nacional, informa de novos actos públicos ao longo de pontos diversificados do País, entre eles Cúntis, Louro, Marim e Ferrol.

Em concreto, hoje mesmo, dia 11, decorrerá em Ferrol o acto já anunciado por nós dias atrás, com um debate em que participarám representantes das Bases Democráticas Galegas, FPG, NÓS-Unidade Popular, PCPG e PRT-ER. Bráulio Amaro, Fran Aneiros, Maurício Castro, José Colaço e Roberto Laxe som os porta-vozes das citadas entidades sociais e políticas galegas que tomarám a palavra a partir das 21,15 horas no Local Social da Fundaçom Artábria.

Na próxima quarta-feira, dia 16 de Fevereiro, será a vila de Marim, na comarca do Morraço, que acolha um debate similar com participaçom de Mariano Abalo e Bráulio Amaro.

E já na sexta-feira 18 de Fevereiro haverá dous actos simultáneos em Cúntis, na comarca de Caldas, e Louro (comarca de Muros-Noia), com participaçom de Carlos Morais e Diego Bernal na Biblioteca Municipal de Cúntis no primeiro caso, e de Vreixo Formoso e Daniel Lourenço no Bar "O Muinho" no segundo. Ambos actos começarám polas 20 horas.

Lembremos que já nas últimas semanas se realizárom actos similares em Oleiros, Compostela, Ferrol, Ponferrada, Ponte Areas, Vigo e Ponte Vedra, entre outros, e novos debates e actos políticos serám organizados ao longo da Galiza pola Plataforma unitária até o dia 20 de Fevereiro, espalhando as razons do NOM à Constituiçom do Capital e os estados.

 

Voltar ao Especial contra a Constituiçom Europeia

Voltar à página principal