Vigo: acto de NÓS-UP contra a discriminaçom das mulheres

20 de Abril de 2005

Na manhá do passado sábado, um grupo de mulheres de NÓS-Unidade Popular realizou um acto público de protesto contra o trato discriminatório e sexista que os meios de comunicaçom costumam dedicar às mulheres. Foi em dous dos principais centros comerciais de Vigo que várias dúzias de mulheres percorrêrom as ruas próximas, segurando umha faixa com a legenda "Que nom joguem com o nosso corpo".

O cortejo feminista repartiu propaganda e coreou palavras de ordem em defesa da dignidade das mulheres e contra a discriminaçom machista. No fim do acto, que em todo o momento foi vigiado de perto por umha dotaçom policial, a responsável nacional da área da Mulher de NÓS-UP, Íria Medranho, leu um manifesto, que pode ser consultado, junto a toda a informaçom relativa ao acto do passado sábado e à campanha que NÓS-Unidade Popular desenvolve nos últimos meses, no web nacional da organizaçom unitária da esquerda independentista.

 

Voltar à página principal