Assembleia de Mulheres do Condado convoca concentraçom contra as violaçons nas Neves
25 de Janeiro de 2005
A Assembleia de Mulheres do Condado (AMC) convocou umha concentraçom diante da sede da Cámara Municipal das Neves (Condado), para 29 de Janeiro ao meio-dia, em solidariedade com a rapariga desse concelho que denunciou José Luís Estevéz Rodríguez, acusado de diversos casos de violaçom nessa comarca. Eis o conteúdo do comunicado difundido pola AMC:
CONCENTRAÇOM CONTRA AS VIOLAÇONS NAS NEVES
Com motivo da
campanha de denúncia pública que a Assembleia de Mulheres do
Condado está a levar a cabo contra José Luis Estévez
Rodríguez, um vizinho das Neves que tem violado várias mulheres
e tentou violar mais umha, sem ter sido julgado por estes graves factos até
o momento, e em solidadiedade com as vítimas dumha das expressons mais
salvagens da violência machista, as agressons sexuais, a AMC comunica
que tem convocada umha concentraçom diante da sede do Concelho das
Neves o vindouro Sábado 29 de Janeiro, às 12 da manhá
sob a legenda "Rosa somos todas, nengumha violaçom sem resposta!.
A concentraçom
irá precedida de umha grande caravana de carros que partirá
da estaçom dos autocarros de Ponte Areas até as Neves, para
fazer mais visível o nosso mais rotundo rechaço a este tipo
de agressons.
Ao remate do acto, umha das moças que sofreu umha tentativa de violaçom e mais umha representante da AMC darám leitura a um comunicado feito para a ocasiom.
Estamos conscientes
de que este acto nom tem nengum precedente nas Neves, polo que o movimento
feminista do Condado anima todas as mulheres da comarca a perder o medo, manifestando-se
activamente contra as agressons machistas.