Catalunha mobiliza-se polas selecçons nacionais próprias

29 de Dezembro de 2004

A Unió de Federacions Esportives de Catalunya convocou para hoje às 19 horas umha manifestaçom sob o mote Seleccions catalanes ara!, na seqüência de diversas iniciativas de federaçons como a de hóquei para ganharem o reconhecimento internacional e o direito a concorrerem oficialmente.

Ontem mesmo, a selecçom catalá de futebol enfrentou-se à argentina em Barcelona. Outros desportos como o Judo, a Vela ou o Basquet contam com iniciativas para a oficializaçom de selecçons nacionais nesse país. Porém, o caso mais salientável é o do hóquei em patins, em que a selecçom catalá ganhou já o campeonato do mundo B em Macau no passado mês de Novembro, sendo posteriormente impedida de participar em novas competiçons por pressons espanholas aos organismos internacionais.

Também no País Basco e até na Andaluzia existem processos de criaçom de selecçons próprias, enquanto a Galiza continua a ser a grande ausente desse movimento de afirmaçom nacional através da representaçom desportiva. Unicamente os chamados "Siareiros Galegos" tenhem desenvolvido acçons reivindicativas neste terreno, ante o desinteresse dos diferentes partidos com representaçom institucional.

A importáncia simbólica de contar com presença nacional em competiçons internacionais obriga a que também na Galiza sejam dados passos no caminho do nosso reconhecimento como naçom no ámbito da concorrência desportiva.

 

Voltar à página principal