A esquerda independentista participa nos actos de hoje em defesa da Classe Obreira Galega

10 de Março de 2006

As entidades e militantes da esquerda independentista galega participam na jornada de hoje nas diversas concentraçons e manifestaçons convocadas nas principais cidades galegas, numha nova ediçom do Dia da Classe Obreira Galega, que mais umha vez lembrará os companheiros Amador e Daniel, operários assassinados a tiro pola Polícia franquista em 1972 numha manifestaçom em Ferrol.

Tanto NÓS-Unidade Popular como a entidade juvenil BRIGA emitírom comunicados de adesom às mobilizaçons da central nacionalista CIG, e @s delegad@s e filiad@s da central com militáncia independentista contribuirám no possível para o sucesso desta jornada de luita sindical em defesa dos interesses da nossa classe e do povo trabalhador galego.

O acto principal decorrerá, como cada ano, na cidade de Ferrol, a partir das 19 horas: umha manifestaçom com saída em frente ao local da CIG, na rua Eduardo Pondal (bairro de Esteiro), sob a legenda "Sinistralidade laboral, responsabilidade patronal".

Mais umha ocasiom para denunciarmos a precariedade e as suas conseqüências, em forma de empobrecimento e acidentes, e para reivindicarmos um quadro galego de relaçons laborais e um trabalho digno na nossa terra, somando forças para fazer frente à ofensiva neoliberal que se prepara e que haverá que frear num futuro imediato.

Por isso, o nosso partido quer aderir às convocatórias sindicais nacionalistas numha jornada imprescindível no calendário anual de luitas populares na Galiza.

Viva o Dia da Classe Obreira Galega!

Amador, Daniel, a luita continua!

 

:: Mais informaçons sobre o mesmo tema

NÓS-UP chama a participar nos actos da CIG no Dia da Classe Obreira Galega (+...)

 

Voltar à página principal