Primeira Linha comemora ao longo de 2006 o X aniversário
Umha década nom é nada na história dum povo, é um breve período de tempo, umha simples gota de água no imenso oceano da luita de classes, no dilatado processo de emancipaçom nacional e social de género; porém, este ano coincide com o X aniversário da criaçom de Primeira Linha.
No 1º de Maio de 1996 tivo lugar na rua do Vilar de Compostela a assembleia fundacional de Primeira Linha como culminaçom de um processo de debate e conhecimento mútuo iniciado a meados de 1995, quando um reduzido grupo de jovens, armad@s de entusiasmo, coragem e audácia, com praticamente todos os elementos contra, decidem começar a construir na Galiza um partido comunista para o século XXI.
Neste 2006 que agora iniciamos, cumprimos dez anos de intensa actividade e intervençom ao exclusivo serviço da classe trabalhadora, das mulheres e da Galiza.
Para comemorarmos este X aniversário, realizaremos ao longo do ano umha série de iniciativas sob a legenda REVOLUÇOM GALEGA. Dez anos de Primeira Linha, que iremos anunciando e informando neste portal.
Assim, no sábado 18 de Março terám lugar as X Jornadas Independentistas Galegas que nesta ocasiom contarám com destacadas vozes críticas e transgressoras do capitalismo, representativas de diversas correntes da esquerda nacional e internacional, para analisar e debater os Desafios e necessidades da esquerda do século XXI.
Posteriormente, no sábado 22 de Abril, terá lugar umha ceia-acto político-festa de cujos pormenores informaremos a inícios da primavera.
Já a inícios do Verao, no sábado 24 de Junho, terá lugar o IV Congresso de carácter ordinário.
O Comité Central de Primeira Linha agradece a tod@s @s jovens e trabalhadoras/es, que durante esta primeira década, -com diferentes graus de compromiso-, contribuírom para a construçom e desenvolvimento do projecto revolucionário que representamos. A todas e todos, o nosso mais sincero reconhecimento.
Galiza, 6 de Fevereiro de 2006
:: Mais informaçons sobre a comemoraçom dos X anos de Primeira Linha
Fraternidade comunista presidiu comemoraçom do X Aniversário de Primeira Linha (+...)
Ceia-acto político-festa comemora hoje os 10 anos da fundaçom do nosso partido. (+...)
Sucesso das X Jornadas Independentistas Galegas (+...)
Jornadas Independentistas Galegas atingem décima ediçom (+...)
Primeira Linha comemora ao longo de 2006 o X aniversário (+...)
