NÓS-Unidade Popular anuncia a sua participaçom nas Eleiçons autonómicas de Junho

8 de Maio de 2005

A Direcçom Nacional de NÓS-UP fijo público hoje mesmo um comunicado em que anuncia a sua intençom de apresentar candidatura às Eleiçons convocadas para 19 de Junho. Polo interesse do anúncio, reproduzimos a seguir na íntegra o conteúdo do mesmo, que pode ser também consultado no web nacional da organizaçom soberanista e socialista galega:

 

"Comunicado nacional de NÓS-Unidade Popular ante a convocatória eleitoral de 19 de Junho

A Direcçom Nacional de NÓS-Unidade Popular, reunida com carácter extrordinário no dia 7 de Maio em Compostela, acordou unanimemente apresentar candidatura própria às Eleiçons autonómicas convocadas para o próximo dia 19 de Junho na Comunidade Autónoma da Galiza.

A decisom, tomada com carácter de urgência, responde à impossibilidade final de apresentarmos umha única candidatura que incluísse o conjunto do soberanismo socialista galego, como era o nosso desejo. Porém, a decisom final da FPG de concorrer em solitário, quando o processo de acordo iniciado no passado mês de Janeiro entre essa força, o PCPG e NÓS-UP se encontrava numha fase já avançada, evitou a que para nós seria sem nengumha dúvida a escolha mais acertada.

Lamentando que a ruptura unilateral por parte da FPG tenha impedido nesta ocasiom dar resposta ao necessário entendimento que a base social independentista e de esquerda reclama, confiamos em que no futuro poda retomar-se o caminho da unidade. Tratando-se de umha necessidade objectiva para a Galiza e o seu povo trabalhador, NÓS-Unidade Popular continuará a trabalhar por torná-la umha realidade mais cedo do que tarde.

Ante umha situaçom que nom é a que a nossa organizaçom preferiria, e reconhecendo portanto a anomalia que supom a inexistência de umha única candidatura soberanista galega e de esquerda, NÓS-Unidade Popular nom pode renunciar a que a sua voz e a sua alternativa de futuro para esta naçom e o seu povo trabalhador estejam presentes na convocatória de Junho. E assim será: NÓS-Unidade Popular fará da próxima campanha eleitoral mais um campo de trabalho para a socializaçom do projecto independentista, socialista e antipatriarcal que representamos, frente ao espanholismo e o capitalismo; mas também como forma de reivindicar o único voto útil, o voto que serve para reivindicar a autodeterminaçom nacional e a luita do povo trabalhador galego no seu longo caminho pola independência e o socialismo.

Direcçom Nacional de NÓS-Unidade Popular
Galiza, 8 de Maio de 2005"

 

Voltar à página principal