Concentraçom na Corunha pola liberdade dos cinco patriotas cubanos

10 de Fevereiro de 2006

Neste sábado, dia 11 de Fevereiro, a Corunha acolhe umha concentraçom anti-imperialista em solidariedade com Cuba, para exigir a liberdade dos cinco patriotas encarcerados de maneira irregular em prisons norte-americanas. Será polas 13 horas diante do consulado dos Estados Unidos na cidade do Norte galego.

O acto é convocado pola Associaçom de Amizade Galego-Cubana Francisco Vilhamil, e coincide com convocatórias similares em diversos pontos do continente europeu.

Os cinco patriotas cubanos fôrom seqüestrados polo Estado ianque quando investigavam as actividades terroristas da máfia de Miami contra a Revoluçom cubana. Existe já umha resoluçom que reconhece as irregularidades do processo que levou à condena dos cinco no ano 2001. Som já mais de sete anos de prisom desde a captura em 1998, sete anos em que os EUA nom só mantivérom ilegalmente seqüestrados os cinco revolucionários, como tenhem continuado a colaborar com a estratégia da extrema-direita de Miami nos seus planos para a derrocada violenta do Governo revolucionário cubano.

De Primeira Linha, manifestamos o nosso apoio à causa patriótica e revolucionária cubana, exigindo a libertaçom imediata dos cinco. Apoiamos igualmente a convocatória do dia 11 na Corunha.

 

Voltar à página principal