Jornadas Independentistas Galegas atingem décima ediçom
4 de Março de 2006
Este ano, as Jornadas Independentistas Galegas, cuja primeira ediçom se realizou em Janeiro de 1997, coincidem com o X aniversário de Primeira Linha.
De carácter monográfico e anual, tenhem sido até o presente o único espaço estável na Galiza de debate e formaçom marxista, umha escola de aprendizagem e conhecimento, na que Primeira Linha tem abordado o futuro do independentismo galego, o papel da cultura, as luitas de outros povos, o modelo de comunismo, a globalizaçom capitalista, a situaçom da esquerda portuguesa, a opressom da mulher, a validez do leninismo, a situaçom do idioma, sempre, desde umha perspectiva marxista revolucionária, mas abertas a outras vozes e opinions.
Nesta ocasiom, num mundo globalizado, de caos sistémico, de crise civilizacional, onde o capitalismo na sua forma neoliberal aprofunda a falsa saída à crise sistémica que arrasta agudizando a agressom aos povos, à classe trabalhadora e às mulheres, mediante a guerra imperialista e a homogeneizaçom cultural, a destruiçom das conquistas laborais e sociais, e reforçando o patriarcado, cumpre actualizar o programa e as perspectivas que guiárom sempre a luita por umha nova sociedade, por um novo mundo, reafirmado os objectivos e reptos polos que combatemos @s comunistas, e que som a nossa razom de ser.
Seguindo a concepçom de espaço aberto e plural que caracterizou sempre as Jornadas Independentistas Galegas, atingindo umha década de insubornável compromiso com a luita de libertaçom nacional e social de género, este ano contamos com destacadas vozes críticas e transgressoras do capitalismo, representativas de diversas correntes da esquerda nacional e internacional, para analisar e debater os Desafios e necessidades da esquerda do século XXI.
Comité
Central de Primeira Linha
Galiza, Março de 2006
Oferecemos a seguir o programa previsto para as Jornadas Independentistas Galegas deste ano, que decorrerám na capital da Galiza em sessons de manhá e tarde, no sábado 18 de Março.
Programa
Sábado
18 de Março de 2006
Salom Compostela do Hotel Compostela, praça da Galiza. Compostela
11 horas:. José A. Brandariz. Professor da UdC e membro do CS A Treu.
:. Igor Lugris. Membro da Direcçom Nacional de NÓS-UP.
:. Luisa Ocampo, militante de Mulheres Nacionalistas Galegas (MNG).
:. Carlos Taibo. Analista de política internacional.17 horas
:. Joseba Álvarez. Dirigente da esquerda abertzale.
:. Xosé Manuel Beiras. Líder histórico do nacionalismo galego.
:. Francisco Martins Rodrigues. Director da revista comunista portuguesa Política Operária.
:. Carlos Morais. Secretário Geral de Primeira Linha.
Lembra que podes aceder a toda a informaçom e imagens das nove ediçons anteriores das Jornadas Independentistas Galegas organizadas polo nosso partido desde 1997 no nosso Especial.
:. Especial Jornadas Independentistas Galegas (+...)
::
Mais informaçons sobre a comemoraçom dos X anos de Primeira
Linha
Sucesso das X Jornadas Independentistas Galegas (+...)
Primeira Linha comemora ao longo de 2006 o X aniversário (+...)