A Gentalha do Pichel convoca reuniom informativa para promover galeguizaçom dos apelidos

2 de Março de 2006

A associaçom cultural compostelana A Gentalha do Pichel convocou para o próximo sábado dia 4 de Março, polas 18 horas, um encontro de carácter informativo no seu centro social, sito na rua Santa Clara, 21. O motivo é fornecer às pessoas assistentes toda a informaçom relativa às possibilidades legais de galeguizaçom efectiva dos apelidos, em tantos casos deturpados por umha barbarizaçom espanhola que ainda hoje continua vigente.

A feliz iniciativa da entidade cultural contará com a participaçom de Alexandre Banhos, licenciado em Direito que já tramitou com sucesso a galeguizaçom do seu apelido, incluindo a substituiçom da grafia espanhola <ñ> pola galega <nh>. No encontro, será distribuída a documentaçom necessária para a efectivaçom dos trámites necessários para podermos banir definitivamente a farda espanhola dos nossos apelidos galegos.

Mas a intençom da Gentalha do Pichel é sobretodo ultrapassar a dimensom individual do processo e promover "umha acçom de galeguizaçom maciça nas próximas semanas", dando exemplo a outros colectivos e ao conjunto da sociedade sobre como podem ser dados passo efectivos na afirmaçom da nossa identidade num aspecto fundamental como é o dos nossos apelidos.

 

Voltar à página principal