Entrevista com o porta-voz do Comité de Greve de Arriva
16 de Outubro de 2005
Oferecemos em formato de áudio a entrevista realizada e cedida ao nosso portal polo programa "Xenreira", de Rádio Filispim, emitida na passada quinta feira. Com umha duraçom de dez minutos, intervenhem Jesus Pastoriça, porta-voz do Comité de Greve, e José Ramil, grevista de fame ferrolano que anteontem foi internado no hospital, vendo-se obrigado a abandonar a greve de fame devido a problemas cardíacos.
Na entrevista dam-se as chaves do conflito e do desenvolvimento da luita dos trabalhadores da multinacional do transporte. Lembremos que na actualidade um trabalhador continua em greve de fame na Corunha e a greve indefinida continua, ante a intransigência de Arriva e o abandono da Administraçom autonómica, que até hoje evitou qualquer compromisso com a justa luita do quadro de pessoal pola readmissom dos companheiros despedidos e o fim da precarizaçom das condiçons laborais.
Quando a maior parte dos media do sistema estám a difamar a luita destes trabalhadores e apoiar abertamente a patronal, é o momento de dar a palavra para que nos exponham em primeira pessoa as razons da greve. Escuita a entrevista (10 minutos) premindo na seguinte ligaçom:
:: Mais informaçons sobre o mesmo tema
Greve do transporte transforma-se em indefinida e trabalhadores despedidos iniciam greve de fame (+...)
Greve no transporte continua, com forças repressivas e meios de comunicaçom ao serviço da empresa (+...)
Greve na empresa de transporte Arriva (+...)