AGIR participa no Foro Europeu de Estudantes que decorre no País Basco

26 de Março de 2006

A entidade estudantil independentista AGIR enviou ao País Basco umha delegaçom para participar durante este mesmo fim de semana no Foro Europeu de Estudantes. O encontro decorreu até hoje em Bakaiku (Nafarroa), e @s representantes da Galiza, convidad@s pola organizaçom basca Ikasle Abertzaleak, participou para levar a voz galega contrária à orientaçom que o capital está a impor ao ensino na Europa.

O encontro serve para reafirmar a oposiçom das organizaçons estudantis ao neoliberalismo e coordenar as luitas dos diversos povos nesse ámbito. No caso do Estado espanhol, AGIR, Ikasle ABertzaleak e a catalá CEPC participárom já numha conferência de imprensa conjunta para apresentar as dinámicas específicas dos povos sem Estado da Península Ibérica.

O Foro marcou como objectivo concluír umha crítica ao Espaço Europeu de Ensino Superior, crítica que, afirma AGIR, "se realizará sem peneiras nem ambages de nengumha classe", e de acordo com os contributos das e dos participantes.

Pode ser consultada mais informaçom sobre o tema no web nacional de AGIR e no web do Foro de Bakaiku.

 

 

Voltar à página principal