NÓS-Unidade Popular confirma assistência à Assembleia Nacional de Batasuna

13 de Janeiro de 2006

A esquerda independentista galega estará representada na Assembleia Nacional convocada por Batasuna para os dias 20 e 21 de Janeiro em Barakaldo (Euskal Herria), segundo a informaçom publicada no web nacional de NÓS-UP, em que a entidade soberanista e socialista galega confirma que umha delegaçom da sua Direcçom Nacional vai deslocar-se ao País Basco.

NÓS-Unidade Popular respondeu positivamente ao convite realizado pola esquerda abertzale, e afirma que "quer fazer da resposta positiva ao convite de Batasuna umha reivindicaçom dos direitos fundamentais negados pola Lei de Partidos e outras normais legais antidemocráticas em vigor no Estado espanhol".

Desse jeito, a esquerda independentista galega toma partido perante a campanha mediática e política de criminalizaçom contra o movimento independentista basco, com o envio de umha delegaçom da sua Direcçom Nacional à Assembleia Nacional de Batasuna. Durante os últimos dias, diversos meios de comunicaçom, a coro com o Partido Popular e os meios judiciais mais reaccionários, intensificam umha campanha que tem como objectivo forçar o Governo espanhol a proibir o exercício do direito de reuniom por parte d@s convocantes do acto político do dia 21 no Bilbao Exhibition Center (BEC), em Barakaldo.

 

Voltar à página principal

 

 

Cartaz convocando o acto de encerramento, no Bilbao Exhibition Center (BEC), previsto para o dia 21 em Barakaldo