Galiza estivo com o povo basco em Barakaldo

23 de Janeiro de 2006

A esquerda independentista galega voltou a demonstrar a sua solidariedade com o povo basco perante as imposiçons antidemocráticas espanholas. Barakaldo acolheu umha concentraçom de 15.000 pessoas para denunciar a proibiçom judicial para que Batasuna pudesse organizar a sua Assembleia Nacional no interior do chamado Bilbao Exhibition Center (BEC) e que Arnaldo Otegi rebaptizou como Basc Exhibition Center durante o seu discurso de anteontem.

A esquerda independentista galega estivo representada por delegaçons da Direcçom Nacional de NÓS-Unidade Popular e da Frente Popular Galega, junto a dúzias de representantes das esquerdas revolucionárias de diversos países, nomeadamente naçons sem Estado como a Galiza. Um representante do Sinn Fein irlandês falou à multitude em nome de todas as delegaçons internacionais que rompêrom a proibiçom e contribuírom para o êxito da iniciativa popular basca.

As imposiçons contra a vontade do povo basco voltárom a mostrar o seu fracasso e a esquerda abertzale a saúde do seu projecto libertador, motivo de satisfaçom para todos os povos que no mundo enfrentamos o imperialismo e o capitalismo, numha longa luita pola libertaçom nacional e o socialismo.

 

:: Mais informaçons sobre o mesmo tema

NÓS-Unidade Popular confirma assistência à Assembleia Nacional de Batasuna (+...).

 

Voltar à página principal

 

 

Vista da multitudinária resposta popular à convocatória da esquerda abertzale basca