Numerosas iniciativas normalizadoras de Fala Ceive no Berzo

11 de Maio de 2005

Fala Ceive difundiu nestes dias o programa de actos previstos para a comemoraçom das Letras Galegas na comarca do Berzo. Entre eles, salienta a homenagem à primeira revista escolar em língua galega no Berzo, "A CORUXA", publicada durante 11 anos na Escola de Corulhom. O director do centro dará umha palestra explicando a história da revista. Ao finalizar, receberá umha escultura realizada polo valdeorrês Henrique Rei.

Também haverá umha projecçom da curta-metragem "O AVÔ" do Obradoiro de Iniciaçom à Curta-metragem integrado no projecto ON & OFF de Mr. Misto Films, projecto que percorre toda a Galiza produzindo peças de curta duraçom."O AVÔ" é umha produçom de Vilar de Santos e Mr misto Films.

Fala Ceive remeteu aos meios também as crianças e escolas berzianas que participam: Alun@s da Escola «Garcia Yebra» de Ponferrada de infantil, com trabalhos realizados nas suas aulas; alun@s do «CRA Jimena Muñiz» de Corulhom, das localidades de Paradela e Parandões, que representarám a obra "Eu Ghopezo no eghe. E que?"; alun@s de Corulhom, que encenarám o poema "Maruxa" do autor de Vila Franca do Berzo José Bálgoma Suárez; alun@s do CRA de Toural dos Vaus com "A Saia da Carolina", peça tocada com gaita e cantada por eles.

Convidados que confirmárom assitência aos diversos actos:
Poetas:
José Alberte Corral Iglesias (Crunha)
Maria Xosé Montero (Vila de Paus, Carrazedelo, Berzo)
Roi Brâs (Ourense)
Ainda (Berzo)
Igor Lugris (Berzo)
Artur Alonso Novelhe (Ourense)

Cantautores e músicos
Anxo Rei (Valdeorras)
Pepe Cañal (Berzo)
Issac Garcia (Berzo)
Grupo de gaitas (Berzo)

Os actos teram lugar o dia 13 de Maio, em Ponferrada, no local da Obra Social de Caixa Espanha, entre as 19'00 e as 21'00 horas.

Ainda para esse dia, Fala Ceive apresentará a sua nova revista, Berro Leste.

E na mesma semana precedente ao Dia das Letras, a entidade normalizadora berziana apresentou umha nova doaçom de livros e outras publicaçons em galego para a Biblioteca Pública de Ponferrada, no valor de 2500 euros, recolhidos por Fala Ceive e doados por diversas entidades, instituiçons e pessoas da Comunidade Autónoma Galega.

Finalmente, e dentro da intensa actividade dos companheiros e companheiras do Berzo, salienta a sua adesom à manifestaçom do dia 15 de Maio em Compostela, convocada por 14 entidades sob a legenda "Na Galiza vamos viver em galego".

 

Voltar à página principal