BRIGA convoca a juventude galega a participar na manifestaçom de NÓS-Unidade Popular no Dia da Pátria

21 de Julho de 2005

A entidade da juventude independentista e revolucionária BRIGA emitiu um comunicado de adesom à manifestaçom nacional que para o Dia da Pátria e sob a legenda "Nem Autonomia, nem Constituiçom. AUTODETERMINAÇOM", convoca NÓS-Unidade Popular às 13 horas na Alameda compostelana. Reproduzimos a seguir o comunicado difundido por BRIGA:

"No vindouro dia 25 de Julho, o trabalho político do MLNG culminará na manifestaçom que percorrerá as ruas da capital da Galiza, que fará patente a posta em andamento dum novo projecto representado por diferentes experiências e correntes políticas que tenhem posto ao serviço da Galiza, do seu povo trabalhador e das mulheres os seus esforços e inquedanças.

Neste processo de criaçom de novos espaços que impulsiona o MLNG, de andamento de caminhos virgens desde o conhecimento dos já percorridos, insere-se a resoluçom de BRIGA de apoiar incondicionalmente a convocatória da manifestaçom de NÓS-Unidade Popular para este Dia da Pátria, que decorrerá sob a legenda "Nem Autonomia, nem Constituiçom. AUTODETERMINAÇOM" e que partirá à 13:30 da Alameda de Compostela.

Desde a sua criaçom, NÓS-UP tem representado a entrega militante, o rupturismo com as inércias e ancoramentos passados, a audácia política e a pluralidade ideológica, dotando à esquerda independentista da arma precisa para superar as barreiras que o capitalismo espanhol e mundial imponhem para a nossa emancipaçom nacional e social de género.

A dia de hoje, a opçom política representada em NÓS-UP é a única que desde a pluralidade e o compromisso pode aportar a soluçom que a juventude trabalhadora e as mulheres da Galiza precisamos. Umha naçom libertada na que a exploraçom d@s trabalhadores/as e das mulheres seja parte dum passado que lembremos, mas que já nom soframos.

Numha cojuntura na que a repressom do Estado espanhol ameaça com elevar dum jeito qualitativo a sua intensidade sobre a juventude revolucionária, o fortalecemento desse espaço de encontro político que é a Unidade Popular erige-se já nom num dever político revolucionário, mas num imperativo em sim mesmo.

Em conseqüência, BRIGA fai um chamado à juventude galega para assistir à convocatória de NÓS-UP, assim como aos actos que organiza para o dia 25-J.

Avante a luita da esquerda independentista!!
Viva Galiza Ceiva, Socialista e Nom Patriarcal!!
Viva o Dia da Pátria!!
"

 

Voltar à página principal