Hugo Chávez visita Galiza: recebimento popular em Compostela

14 de Outubro de 2005

Neste domingo, às 9,30 horas, um recebimento popular dará as boas-vindas ao nosso país ao líder da Venezuela Bolivariana na praça do Obradoiro de Compostela. O povo trabalhador galego tem umha boa oportunidade de manifestar o seu apoio à luita anti-imperialista do povo irmao venezuelano, saudando o seu presidente nas ruas da nossa capital.

Quando o imperialismo norte-americano aumenta a sua pressom contra a soberania venezuelana e a orientaçom social do sistema bolivariano, é necessário fazermos ver ao mundo que a Galiza apoia solidariamente o processo revolucionário venezuelano. Defender a soberania e o aprofundamento na via socialista na Venezuela é reafirmarmos a vontade de independência e socialismo para o nosso próprio futuro como naçom soberana, além de umha boa oportunidade de demonstrarmos que a solidariedade internacionalista está na Galiza indissoluvemente ligada à luita independentista e revolucionária.

Pola nossa parte, aderimos ao chamado de diversas entidades e organizaçons sociais galegas para fazer do domingo umha jornada de festa e irmandade entre os povos da Galiza e a Venezuela.

 

Voltar à página principal