Manifestaçom em Compostela em defesa dos direitos d@s homossexuais

18 de Junho de 2005

A Galiza deu resposta à manifestaçom convocada pola extrema direita espanhola para hoje mesmo em Madrid (Espanha), com umha manifestaçom polas ruas da nossa capital, com participaçom de mais de umha centena de pessoas em defesa dos direitos sociais para todas as tendências sexoafectivas.

A mobilizaçom decorreu por volta do meio-dia de hoje, partindo da praça do Obradoiro, e incluiu o despregamento de umha grande bandeira multicor. Também na fachada da catedral foi pendurada umha outra bandeira e a legenda "Habemus 2 mamás, habemus 2 papás".

A iniciativa foi promovida espontaneamente através dos telemóveis, para defender os direitos civis e criticar que a Igreja católica nom tivesse o mesmo zelo mobilizador durante as grandes manifestaçons contra o genocídio do povo iraquiano polos exércitos norte-americano e británico, com apoio espanhol. Em lugar disso, manifesta-se hoje em Madrid de maos dadas com o partido da guerra, o Partido Popular.

@s manifestantes concentrárom-se ante o Palácio Episcopal, coreando palavras de ordem contra a homofobia, a Igreja católica e o Partido Popular, e em favor da apostasia.

 

:: Mais informaçom sobre o mesmo tema

Os fachas tenhem razom (+...)

O Partido Popular mais fascista e espanhol de sempre (+...)

Viva o matrimónio? Igor Lugris (+...)

 

Voltar à página principal