Ceivar convoca concentraçons em solidariedade com independentistas detid@s

28 de Julho de 2005

Segundo aparece publicado em diversos meios electrónicos, o organismo antirrepressivo Ceivar convocou concentraçons para reclamar a liberdade de Ugio Caamanho e Giana Rodrigues. Assim, em Ourense estava convocada umha para ontem, enquanto hoje serám as de Compostela, Vigo, a Corunha e Lugo. No primeiro caso, na praça do Pam, polas 24 horas, enquanto em Vigo será polas 20 horas em frente à sede do PSOE, na Corunha às 20:30 no Obelisco e em Lugo à mesma hora ante a Subdelegaçom do Governo espanhol.

Haverá ainda umha outra convocatória prevista para amanhá dia 29 em Ponte Vedra, ante a Subdelegaçom provincial do Governo espanhol, às 21 horas.

Ceivar reclamou "participaçom activa e maciça em todos estes actos, por cima de matizes ideológicos e políticos do nacionalismo", encorajando também a mostrar o apoio solidário mediante o envio de telegramas ou cartas aos detid@s, que se encontram no Centro Penitenciario Madrid 5. Soto del Real. Apartado 200 28770 Colmenar Viejo. Madrid. Espanha.

Finalmente, Ceivar apela à urgente solidariedade económica com os dous presos, através de contributos económicos que podem ser depositados na conta de Caixa Galiza 2091 0395 21 3040001337.

 

Voltar à página principal