Centenas de pessoas secundam mobilizaçons contra as detençons de independentistas
16 de Novembro de 2005
Vigo, Corunha
e Compostela fôrom cenário de três mobilizaçons
convocadas por CEIVAR em solidariedade com @s dez independentistas detid@s
ontem pola Guarda Civil em diferentes cidades galegas.
A concentraçom
de Vigo tivo lugar anteontem diante do MARCO com assistência de 25 pessoas.
Ontem, no Obelisco da Corunha, participárom à volta de 70. Porém,
a mais numerosa decorreu na capital da Galiza.
Na compostelana
praça do Pam, fôrom concentrando-se desde as oito da tarde dúzias
de pessoas até quase atingir as 300. Durante mais de meia hora fôrom
secundadas palavras de ordem contra as detençons, denunciando a repressom
policial contra o independentismo, a manipulaçom dos meios de comunicaçom,
contra a Polícia e a Guarda Civil, em prol da independência da
Galiza, reclamando a liberdade de Ugio e Giana, em solidariedade com a AMI
e BRIGA, e em apoio aos centros sociais.
Posteriormente,
o porta-voz de CEIVAR intervéu denunciando a operaçom "Castiñeira"
e a escassa informaçom que se dispom sobre onde e como se acham @s
dez detid@s.
Logo a seguir, a concentraçom percorreu as ruas da zona velha, com
paragem diante das instalaçons de El Correo Gallego, na rua
Perguntoiro, onde se denunciou o papel manipulador e parapolicial que exerce
este meio vinculado à extrema-direita. Na praça da Galiza, tivo
lugar um corte de tránsito, finalizando a jornada de luita no Toural
com o canto do Hino Nacional.
Salienta o efeito
catalisador da operaçom repressiva, bem como a pluralidade das pessoas
que secundárom a mobilizaçom compostelana. Além dumha
nutrida presença da militáncia do MLNG, -estudantes de AGIR,
jovens de BRIGA, militantes de NÓS-UP e do nosso Partido-, também
acudírom quase todas as "famílias" políticas
da esquerda estatal, e membros da organizaçom juvenil do autonomismo.
As ausências também fôrom palpáveis.
Primeira Linha
apela a secundar todas as mobilizaçons e actos de solidariedade com
@s detid@s que se convoquem, exigindo mais umha vez a imediata liberdade de
Maria Álvares, Joám Bagaria Frá, Maria Bagaria Frá,
Alexandre Fernandes Ramos, Antom Garcia Matos, Miguel Garcia Nogales, Paulo
Martearena, Hadriám Mosqueira, Maria Osório e José Viana.