BRIGA apresentou na Corunha campanha contra a repressom

13 de Junho de 2005

A organizaçom juvenil independentista BRIGA apresentou no passado sábado em conferência de imprensa decorrida na Corunha as linhas mestras da campanha antirrepressiva que vai desenvolver de maneira imediata.

Na conferência de imprensa participárom @s seis jovens detidos nas últimas semanas pola Guarda Civil, arroupad@s solidariamente por várias dezenas de jovens numha cuidada cenografia que incluiu a bandeira da Pátria, o escudo nacional e a imagem de umha campanha que terá como palavra de ordem principal "STOP à repressom contra a juventude galega".

Simultaneamente à apresentaçom pública da campanha, a ampla representaçom juvenil independentista serviu para mostrar que, frente aos ataques e difamaçons repressivos, nem BRIGA nem a esquerda independentista tenhem nada que ocultar ante o povo galego, umha vez que fam parte dele e luitam polos seus direitos como jovens trabalhadores/as e galeg@s.

No acto, @s porta-vozes juvenis apresentárom um relatório informativo do estado actual do processo repressivo que sofrem por parte da Guarda Civil, denunciando a perseguiçom política que pedece na Galiza quem abandona a passividade e age em defesa da construçom nacional e dos direitos da maioria social galega.

BRIGA informa no seu web do boicote quase absoluto dos media ante a iniciativa informativa do passado sábado, em linha com o que véu sendo prática habitual nas últimas semanas em todo o relativo à chamada "Operación Cacharrón" com que a Guarda Civil está a golpear a militáncia da entidade juvenil independentista.

No web nacional de BRIGA pode aceder-se à informaçom completa sobre a conferência de imprensa, que concluiu com o anúncio de que será procurada a solidariedade activa de pessoas e colectivos sociais diversos para fazer frente às agressons repressivas do Estado espanhol.

 

:: Mais informaçons sobre o mesmo tema

BRIGA apresentou na Corunha campanha contra a repressom (+...)

Artigo d@s cinco jovens acusad@s de "associaçom ilícita" pola Guarda Civil (+...)

Guarda Civil di agora que desmantelou a entidade juvenil independentista BRIGA (+...)

BRIGA informa sobre acusaçons aos três militantes que ontem ficárom em liberdade (+...)

Berta Lopes fica livre com cargos após 24 horas no quartel da Guarda Civil (+...)

Continua campanha repressiva: quinta militante de BRIGA detida em 24 horas (+...)

Três militantes independentistas de BRIGA continuam presos num quartel da Guarda Civil na Corunha (+...)

Guarda Civil detém quatro militantes de BRIGA ao longo desta quarta-feira na Corunha (+...)

 

Voltar à página principal