Jovens independentistas contra a presença militar espanhola na Galiza

 

8 de Maio de 2005

Continuam as acçons de protesto pola presença militar espanhola na Galiza, que no próximo dia 29 culminarám com umha manifestaçom contra o desfile previsto na Corunha. Assim, a organizaçom juvenil independentista BRIGA desenvolve nos últimos dias a sua campanha de murais e despregamento de faixas em lugares especialmente visíveis da cidade herculina, deixando constáncia do rejeitamento que o militarismo espanhol provoca em sectores importantes da juventude galega.

Além do mais, painéis propagandísticos e autocarros do Ministério da Defesa espanhola estám a ser sabotados com lançamento de tinta de cores, segundo se informa nos webs nacionais de BRIGA e AMI.

Lembremos que para o dia 29 de Junho, em que o Governo espanhol prevê despregar importantes dotaçons militares num desfile polas ruas da Corunha, haverá na cidade galega umha manifestaçom contra a comemoraçom do chamado "Dia das Forças Armadas" na nossa naçom.

 

:: Mais informaçons sobre o mesmo tema

- Sucedem-se iniciativas contra a presença militar espanhola na Galiza (+...)

- Nom os queremos (+...)

 

Voltar à página principal

 

 

Militantes de BRIGA pendurárom faixas contra o desfile do dia 29 em lugares visíveis à entrada da cidade da Corunha