Detida novamente militante da AMI

22 de Novembro de 2005

Umha das militantes da Assembleia da Mocidade Independentista detidas no passado dia 14 de Novembro acabou de ser novamente detida na tarde de ontem, segundo fontes da organizaçom antirrepressiva CEIVAR. As informaçons existentes som ainda escassas, mas parece que a detida está por enquanto num quartel da Guarda Civil em Ourense, e que é acusada de participar numha acçom de sabotagem contra umha mini-central hidroeléctrica na Merca, acontecida em 2004.

Tal como em casos anteriores de repressom, NÓS-Unidade Popular já emitiu um comunicado de solidariedade com a jovem detida e com a AMI, apoiando ainda os actos públicos que forem convocados para reclamar a sua liberdade. O comunicado pode ser lido na íntegra no web da organizaçom independentista.

Também o nosso partido quer daqui aderir ao pedido de liberdade da militante da AMI e solidarizar-se com a entidade juvenil.


Voltar à página principal