AGIR exige que a nova conselheira da Educaçom "aprenda galego ou renuncie ao cargo"

23 de Setembro de 2005

A entidade estudantil da esquerda independentista, AGIR, denuncia no seu web a flagrante contradiçom de situar umha espanholfalante alheia por completo a qualquer compromisso com a nossa língua à frente de um departamento estratégico como é o do Ensino, no novo governo de coligaçom configurado polo PSOE e o BNG.

De maneira eloqüente, AGIR assinala que "o conselheiro do Trabalho nom pode ser um empresário explorador; o conselheiro do Meio Rural nom pode ser um incendiário; assim, a conselheira da Educaçom nom pode ser umha mal-educada. Nom pode carecer da mais elementar educaçom na nossa língua".

Questionando as grandes palavras e acordos superestruturais e de salom em defesa de umha abstracta normalizaçom lingüística, a entidade estudantil vai ao concreto da realidade, "começando polos altos cargos de responsabilidade social". Neste senso, AGIR manifesta que "a mudança de cor nas poltronas do Parlamentinho galego vem, por enquanto, deixar as cousas como estavam ou mesmo piorá-las no tocante à matéria lingüística", acrescentando que "a social-democracia espanhola carece ainda da frívola máscara paternalista pseudo-galeguista própria dos anteriores mandatários. E também carece dessa poderosa e intrincada rede caciquista empapada na língua nacional"; AGIR conclui que "nem umha cousa nem outre é, por certo, o que queremos".

O comunicado de AGIR pode ser consultado na íntegra no web nacional da entidade estudantil independentista.

 

:: Mais informaçons sobre o mesmo tema

Nova conselheira da Educaçom garante continuidade do apoio da Junta ao ensino privado (+...)

AGIR denuncia "guiom continuísta" por parte da nova Conselharia da Educaçom (+...)

 

Voltar à página principal

 

 

Celso Currás (PP) e Laura Sánchez Piñón (PSOE), ex-conselheiro e actual conselheira da Educaçom da Junta da Galiza respectivamente. @s estudantes independentistas pedem mudanças verificáveis em matéria educativa e de galeguizaçom do ensino