NÓS-Unidade Popular já tem web eleitoral
31 de Maio de 2005
A poucos dias do início da campanha das Eleiçons autonómicas de 19 de Junho, toda a informaçom relativa à candidatura independentista e socialista de NÓS-Unidade Popular está já disponível num web monográfico activado pola própria organizaçom.
Com um visual atraente e de fácil navegaçom, no web disponibiliza-se já o programa eleitoral e as listas completas polas quatro circunscriçons, bem como o desenho-base da campanha prevista pola esquerda independentista para as Eleiçons autonómicas, que tem como legenda Autodeterminaçom é democracia. Voto de esquerda pola liberdade da Galiza.
Também podem ser consultados os principais actos políticos já agendados ao longo da Galiza, e um texto em que se exponhem as razons polas quais NÓS-Unidade Popular decidiu concorrer à cita eleitoral de 19 de Junho.
Em breve, o web incluirá os vídeos eleitorais e espaços radiofónicos, bem como as notícias que se forem produzindo doravante em torno do trabalho político de NÓS-UP até o dia das Eleiçons.