Estudantes e jovens independentistas convocam III Escola de Formaçom
27 de Março de 2006
As entidades juvenil e estudantil da esquerda independentista, BRIGA e AGIR, coorganizam umha nova ediçom da Escola de Formaçom, que atinge o terceiro ano consecutivo e ganha um espaço de referência no calendário anual do nosso movimento.
Se na primeira ediçom decorreu na Marinha e na segunda no Condado, desta vez Trasancos é o cenário escolhido para este encontro da Primavera. Será nos dias 7, 8 e 9 de Abril, e será dedicado à memória histórica da luita antifascista; segundo as organizaçons convocantes, "trataremos de topar as chaves para umha compreensom da memória histórica do nosso povo e a nossa classe, dotando-nos de ferramentas para comprender o presente para criar um futuro nosso".
O programa previsto inclui debates, palestras, roteiros, jantares e concertos ao longo de três jornadas de convívio e formaçom colectiva autoorganizada pola nossa juventude revolucionária.
Eis o programa feito público polas duas entidades independentistas. Para mais informaçons, convém visitar os webs nacionais de AGIR e BRIGA.
III Escola de Formaçom: "Procurar a memória da resistência"
Sexta-Feira 7 de Abril
Saída dos autocarros
13h30 Chegada
14h00 Jantar
16h00 Obradoiros
18h00 Acto de boas-vindas no Ateneu Ferrolam
- Projecçom sobre a EF´05 celebrada em Salvaterra de Minho
- Intervençom dumha militante do Grupo de Base de BRIGA em Trasancos
18h30 Mesa-redonda “Auto-organizaçom popular na comarca de Trasancos” no Ateneu Ferrolám
- Ateneu Ferrolám
- Fervesteiro
- Fundaçom Artábria
- Rádio Filispim
20h00 Programa especial de Vozes Rebeldes e ceia no Ateneu Ferrolám
22h00 Repichoca na Fundaçom Artábria
Sábado 8 de Abril
9h00 Almorço
10h00 Seminário “A mulher no nacionalismo galego”, por Noa Rios
12h00 Seminário “A II República na Galiza”, por André Seoane
14h00 Jantar
16h00 Seminário “Memória histórica, umha visom nacional e social de género”, por Carlos Morais
19h00 Obradoiro
20h00 Ceia
22h00 Concerto (Sala Dzine-Sam Sadurninho)
NAO
CHE SUDAKA
Dilhei Luis Fervesteiro
Domingo 9 de Abril
9h30 Almorço
11h00 Roteiro pola Fraga de Menáncaro
14h00 Jantar
17h00 Visita ao Cemitério de Catabois e palestra “Repressom e resistência ao alzamento em Trasancos” por Bernardo Maiz
19h30 Despedida
20h00 Saída dos autocarros