Revista basca publica informaçom sobre as passadas IX Jornadas Independentistas Galegas

19 de Setembro de 2005

O Portal Galego da Língua, gerido pola AGAL, informa através do seu correspondente no País Basco da publicaçom pola Revista basca «Euskaltzale!» de um artigo intitulado «Galego-Português: Dous ramos do mesmo tronco», em que se analisa a situaçom social da língua da Galiza e se dá notícia do desenvolvimento, no passado mês de Maio, das IX Jornadas Independentistas Galegas organizadas polo nosso partido.

A citada revista é editada polo movimento normalizador basco Euskal Herrian Euskaraz (EHE), que estivo representado por Mikel Irastortza nas Jornadas Independentistas que, lembremos, fôrom dedicadas ao tema "Língua e construçom nacional" e decorrêrom na capital galega entre os dias 12 e 14 de Maio deste mesmo ano.

No artigo em questom, que pode ser lido na íntegra e em galego-português no portal da AGAL, dá-se umha vista de olhos sobre a Galiza e os problemas que a nossa língua nacional enfrenta sob domínio político e económico espanhol. Com grande carinho e simpatia pola Galiza e a nossa causa, Euskaltzale informa do confronto entre as concepçons reintegracionista e isolacionista à hora de normalizar o nosso idioma, e como a Junta da Galiza apoia a versom espanholizada do mesmo e reprime o reintegracionismo.

Mais umha vez, devemos agradecer as referências e apoio dos companheiros e companheiras bascas à causa nacional e lingüística galega, dando exemplo de abertura e solidariedade frente a quem no próprio país colabora no silenciamento de actividades do relevo das passadas Jornadas Independentistas.

 

:: Mais informaçons sobre o mesmo tema

Especial Jornadas Independentistas Galegas (1997-2005) (+...)

 

Voltar à página principal