Imagens do acto institucional do espanholismo e das cargas policiais

12 de Outubro de 2005

Oferecemos imagens em vídeo e fotografias tiradas da televisom em que se informa do transcurso dos actos institucionais do espanholismo convocados polo dirigente do PSOE Francisco Vasques na Corunha. Também podemos ver em acçom a violenta polícia espanhola reprimindo a livre expressom galega.

Embora a qualidade das imagens nom seja boa, achamos de interesse dar a conhecer estes documentos audio-visuais. Vários aspectos dam nas vistas nestas imagens do acontecido hoje na Corunha. Repare-se em primeiro lugar na estética que envolve o acto institucional, que remete para os actos de afirmaçom espanhola durante a ditadura franquista. Salienta também o farisaísmo de Vasques, ao utilizar o galego na sua alocuçom para maior sarcasmo da sua acçom filo-fascista e pró-espanhola.

Por último, a informadora do Telejornal da TVG utiliza em várias ocasions a denominaçom de "bandeira nacional" para referir-se à bandeira espanhola. O canal público controlado polo PSOE e o BNG contribui assim para difundir a ideologia reaccionária que inspirou o acto imperialista de hoje na Corunha. Ao silêncio nos últimos dias do vice-presidente da Junta da Galiza, Anxo Quintana, do BNG, e ao apoio de Tourinho ao acto organizado por Vasques, acrescenta-se assim a cobertura ideológica dos informativos da televisom pública da Galiza.

Vídeo da informaçom sobre o acto espanholista de hoje na Corunha, emitido pola TVG às 14,30 horas

Galeria de imagens no web nacional de BRIGA

 

:: Mais informaçons sobre o mesmo tema

Fora, fora fora, a bandeira espanhola! violência policial contra a dignidade galega na Corunha (+...)

Corunha, 12 de Outubro: convocatória aberta de rechaço à agressom espanholista de Vasques (+...)

Francisco Vasques entoa canto desafinado à "unidade de Espanha" (+...)

 

Voltar à página principal