Novo título da Abrente Editora: Capitalismo e emancipaçom nacional e social de género

31 de Dezembro de 2005

Coincidindo com o fim do ano 2005, a Abrente Editora, ligada ao nosso partido, apresenta mais um título, nesta ocasiom um caderno intitulado Capitalismo e emancipaçom nacional e social de género, da autoria do militante marxista e independentista basco Iñaki Gil de San Vicente. O que apresentamos é a primeira traduçom para a nossa língua desse trabalho de temática feminista, em que se estabelece a relaçom e imbricaçom entre as diversas faces de um único processo de libertaçom que inclui o aspecto nacional e social de género.

Este novo título sai umha semana depois da última novidade, já apresentado no nosso portal. O seu preço de venda é de 6 euros e pode ser encomendado através do nosso web ou adquirido nas livrarias do País em que habitualmente som distribuídos os livros da Abrente Editora. Eis as referências bibliográficas de ambas obras.

Capitalismo e emancipaçom nacional e social de género. Iñaki Gil de San Vicente, Compostela, Galiza, Dezembro de 2005. 6 euros.

10 anos de imprensa comunista galega. Selecçom de artigos do Abrente 1996-2006. VVAA, Compostela, Galiza, Dezembro de 2005. 217 páginas. 18 euros.

Podes informar-te sobre os trámites para fazer a tua encomenda na secçom da Abrente Editora do nosso portal.

 

Voltar à página principal