Denunciam próxima ofensiva do Estado espanhol contra portais de informaçom livre na Internet

9 de Março de 2006

O portal de contra-informaçom La Haine denuncia com dados a posta em andamento de umha estratégia específica por parte do Estado espanhol para perseguir a actividade informativa de espaços web nom controlados pola ideologia dominante, sob a acusaçom genérica de "apologia do terrorismo".

O crescente número de visitas com origem em instáncias policiais, a interferência técnica provocada para produzir dificuldades na navegaçom, a aberta criminalizaçom em meios de comunicaçom ao serviço do sistema, entre outros indícios, indicam que pode preparar-se umha ofensiva contra meios livres na rede, com base nas ameaças lançadas no passado dia 3 de Março pola chamada Audiência Nacional espanhola (tribunal de excepçom para a repressom política) contra webs acusados de "apologia do terrorismo".

O próprio portal La Haine seria um dos principais alvos desta nom tam nova estratégia repressiva que já estaria a protagonizar a chamada unidade de "Ciberterrorismo" da Guarda Civil, um corpo que na Galiza já clausurou alguns webs e costuma interferir tecnicamente no funcionamento de outros, nomeadamente ligados ao ámbito de actuaçom da esquerda independentista.

Aproveitamos a ocasiom para manifestar a nossa denúncia dessas actuaçons antidemocráticas e chamamos a exercer a solidariedade com qualquer espaço de comunicaçom livre e progressista que poda vir a ser atacado por meios judiciais, policiais ou para-policiais do Estado espanhol.


Voltar à página principal