Helicóptero com 17 militares ianques derrubado no Afeganistám

29 de Junho de 2005

O imperialismo ianque continua a sofrer a crescente acçom guerrilheira de libertaçom nacional no Iraque e Afeganistám. Neste último país, onde nos últimos dias o Exército norte-americano desenvolveu umha ofensiva matando mais de 130 pessoas acusadas de fazer parte da resistência, ontem foi derrubado um helicóptero de transporte Chinook CH-47 estado-unidense.

17 militares dessa nacionalidade viajavam a bordo do helióptero, na regiom de Konar, a Leste do Afeganistám, sem que nengum deles fosse por enquanto resgatado no operativo aplicado polo comando ocupante para a recuperaçom de possíveis sobreviventes ou dos seus corpos.

Os dezassete fardados eram transportados para reforçar a chamada Operaçom Asa Vermelha, mediante a qual os EUA pretendem dizimar a crescente influência das milícias afegás contrárias à ocupaçom do seu país.

Já no passado mês de Abril um outro helicóptero Chinook ianque foi alvejado por fogo guerrilheiro, morrendo 18 militares norte-americanos. De facto, nos últimos três meses tem aumentado a olhos vistos a actividade insurgente e as operaçons repressivas estado-unidenses, que só nesse período provocárom a morte de quase duas centenas de civis afegaos.


Voltar à página principal