Sindicalista galego detido em manifestaçons anticapitalistas em Hong Kong

19 de Dezembro de 2005

Xosé Ramón Cendám, sindicalista do Sindicato Labrego Galego, foi detido no sábado passado quando participava nas mobilizaçons anticapitalistas na cidade chinesa de Hong Kong. Além do nosso compatriota, 900 pessoas participantes na manifestaçom, que chegárom a romper o cerco policial em torno da reuniom cimeira da OMC, fôrom detidas, ficando 90 feridas pola violenta intervençom policial.

Fôrom milhares os trabalhadores e trabalhadoras de todo o mundo que marchárom polas ruas de Hong Kong para exigir o fim do neoliberalismo, situando-se em frente 8.000 polícias para defenderem os líderes do capitalismo mundial reunidos em simultáneo na mesma cidade.

NÓS-Unidade Popular apoiou as manifestaçons de Hong Kong e fijo pública a sua solidariedade com o trabalhador galego detido e com a central sindical de que é filiado, o Sindicato Labrego Galego, exigindo a libertaçom de Xosé Ramón Cendám e de todas as pessoas detidas durante as jornadas de luita internacional em Hong Kong. Pedido a que o nosso partido adere com toda a convicçom solidária e revolucionária.

 

Voltar à página principal