1.641 ianques mortos desde o início da ocupaçom do Iraque

29 de Maio de 2005

A morte de dous soldados norte-americanos após a queda de um helicóptero derrubado pola guerrilha na passada sexta-feira eleva a 1.641 o número de efectivos norte-americanos mortos no Iraque. Um outro helicóptero também foi atingido, mas conseguiu pousar com segurança. Os helicópteros participavam numha operaçom contrainsurgente em Baquba, 60 quilómetros a Nordeste de Bagdad.

Ante o incremento sustentado da actividade e abrangência dos ataques patrióticos iraquianos, o Governo fantoche anunciou a maior operaçom do Exército iraquiano em Bagdad, com a participaçom de 40.000 efectivos à caça de insurgentes e dos seus apoios.

Nem o aumento de soldados no novo exército criado polas forças imperialistas nem as 106 bases norte-americanas espalhadas um pouco por todo o país conseguem nom já derrotar, senom mesmo diminuir a incidência das acçons da resistência, empenhada em recuperar a soberania nacional a qualquer custo.

A seguir à queda dos helicópteros, umha bomba no Norte matou polo menos sete integrantes das forças sipaias iraquianas, segundo reconhecêrom a Polícia e autoridades coloniais locais. A operaçom guerrilheira, com dous carros armadilhados a explodir consecutivamente, deixou ainda 40 feridos na base militar de Sinjar, a 120 km o Norte de Mosul.

Os confrontos entre forças imperialistas e guerrilhas patrióticas continuam por todo o país.

 

Voltar à página principal