Siareir@s Galeg@s reivindicam participaçom da Galiza nos "I Jogos da Lusofonia"

6 de Março de 2006

O colectivo de Siareir@s Galeg@s difundiu um comunicado em que reivindica a necessidade de que a Administraçom autonómica da Galiza garanta a participaçom de equipa galega nos I Jogos da Lusofonia que irám decorrer em Macau entre os dias 7 e 15 de Outubro deste mesmo ano.

Os citados Jogos som umha iniciativa da Associaçom dos Comités Olímpicos de Língua Oficial Portuguesa, de que fam parte Macau, Portugual, Brasil, Angola, Moçambique, Guiné-Bissau, Cabo Verde, Timor Leste, e São Tomé e Príncipe, contando ainda a Guiné Equatorial com a condiçom de membro associaciado.

Siareir@s Galeg@s consideram que "eventos como estes Jogos som os indicados para aprofundar a criaçom e desenvolvimento das nossas equipas nacionais, umha verdadeira oportunidade para demostrar que @s noss@s desportistas estám preparad@s para competir a nível internacional em representaçom da Galiza". Daí que fagam um apelo à Secretaria Geral de Desportos e à própria Junta da Galiza "para que explore as possibilidades de enviar umha delegaçom própria a esta primeira ediçom dos Jogos da Lusofonia".

Pedido a que nom podemos deixar de aderir, tratando-se de umha boa ocasiom para afirmar a nossa nacionalidade no palco internacional e a nossa vontade de integraçom no ámbito cultural que no mundo fala a nossa língua.

 

Voltar à página principal