Apresenta-se em Compostela obra biográfica sobre Henriqueta Outeiro

2 de Novembro de 2005

Amanhá, dia 3 de Novembro, o Centro Social Henriqueta Outeiro, sito na rua Quiroga Palácios, 42, de Compostela, apresenta a obra intitulada Letras Armadas. As vidas de Enriqueta Otero Blanco, fruto da investigaçom biográfica de Anxo Rodrigues Galhardo sobre a trajectória vital de umha das mais importantes figuras da resistência contra o franquismo na Galiza.

O autor é historiador e exerce como docente no Instituto Paço da Mercé das Neves, sendo a sua até hoje a única obra dedicada à comunista galega Henriqueta Outeiro, que dá nome ao local social compostelano que organiza o evento. O livro foi publicado recentemente em ediçom a cargo da Cámara Municipal de Lugo em parceria com a "Fundación 10 de Marzo".

A apresentaçom de Letras Armadas será introduzida por Carlos Morais, e incluirá, além da participaçom do autor da obra, a projecçom de umha breve entrevista a Henriqueta Outeiro, gravada nos anos setenta. A hora prevista para esta actividade de reivindicaçom da memória histórica antifranquista é às 20.30 horas.

 

Voltar à página principal

 

 

O Centro Social Henriqueta Outeiro organiza umha jornada de reivindicaçom da memória histórica antifranquista homenageando umha das protagonistas da resistência galega