Galeguiza organizou Maio das Letras em Ponte Areas

18 de Maio de 2005

Dentro das actividades de todo o tipo realizadas em torno do Dia das Letras, por volta das 150 pessoas assistirom ontem, na Praça Maior de Ponte Areas, à celebraçom da II Festa dos Maios organizada pola associaçom cultural Galeguiza, que nesta ocasiom véu com algum atraso para a fazer coincidir com o Dia das Letras.

Na tradicional confecçom de Maios, colaborarom pessoas da vila de todas as idades que se somárom à festa que celebra a entrada da Primavera. @s encarregad@s de animar o trabalho e a jornada fôrom nesta ocasiom Servando Barreiro, grupo de danças do mundo e o grupo de música tradicional "Avelaina".

Além de dançar e desfrutar com a confecçom dos Maios, @s assistentes comêrom empada, vinho e tortilha de batata. Galeguiza editou para esta ocasiom uns marca-páginas com a legenda "Em defesa da língua e cultura galegas", que se distribuiu de graça nas bancas que algumhas livrarias instalárom na praça Maior.

 

Voltar à página principal