Mais símbolos fascistas retirados: viaduto de entrada ao centro da Corunha já nom é "del Generalísimo"

13 de Março de 2006

A Corunha, cidade galega com mais vestígios do franquismo em forma de símbolos, monumentos, escudos, nomes de vias e espaços públicos, etc, conta desde ontem com um menos graças mais umha vez à campanha que NÓS-Unidade Popular vem desenvolvendo durante os últimos meses.

Por volta das seis da tarde do domingo, membros da organizaçom independentista retiravam a placa em mármore que baptizava o viaduto de acesso ao centro da cidade com o nome "del Generalísimo", segundo se informa no web nacional de NÓS-UP. A acçom de higiene democrática foi feita a plena luz do dia, depois de ter dado ao Governo municipal um prazo prudencial para a sua retirada.

A falta de resposta à iniciativa municipal independentista deu passagem à pintagem de cor-de-rosa do monólito em questom no passado dia 17 de Dezembro, chamando assim a atençom sobre a sua permanência. A Cámara Municipal presidida por Francisco Vasques nom só nom tomou medidas para eliminar a homenagem ao franquismo, como financiou com dinheiro público a limpeza do monólito. O terceiro passo por parte da esquerda independentista foi a retirada da placa de exaltaçom da ditadura militar imposta à Galiza durante quatro décadas.

NÓS-UP informa no seu web das dúzias de símbolos fascistas que permanecem ainda nas ruas e espaços públicos corunheses por vontade explícita do Governo municipal do PSOE, e reclama mais umha vez a retirada do reconhecimento de Francisco Franco como "filho predilecto" da cidade galega.

 

:: Mais informaçons sobre o mesmo tema

NÓS-UP nom cede à repressom: retirada de simbologia franquista continua (+...)

NÓS-Unidade Popular sofreu jornada de perseguiçom política por parte da Guarda Civil (+...)

Evidente objectivo criminalizador na campanha repressiva contra NÓS-UP (+...)

Campanha independentista contra os símbolos franquistas continua a bom ritmo (+...)

Iniciativa popular elimina vidraça fascista da Cámara Municipal de Tui (+...)

Mais símbolos fascistas eliminados no Condado (+...)

Continua retirada de placas franquistas no Sul da Galiza (+...)

NÓS-UP retirou hoje umha placa franquista do bairro de Carança, em Ferrol (+...)

Cruzes fascistas pintadas de cor-de-rosa em Neda e Fene (+...)

NÓS-UP denuncia permanência de monólito franquista na Corunha (+...)

NÓS-Unidade Popular elimina directamente diversas placas fascistas das ruas de Ponte Areas e as Neves (+...)

Dirigentes de NÓS-UP detidos em Ferrol ficárom livres com cargos (+...)

Pintam de cor-de-rosa a casa natal de Franco e eliminam placa de mármore com o seu retrato da fachada. Quatro detidos (+...)


 

Voltar à página principal

 

 

NÓS-Unidade Popular continua a reivindicar a limpeza democrática, aplicando medidas elementares que as instituiçons nom querem assumir