Convocada manifestaçom nacional contra a repressom para o próximo dia 3 de Dezembro

21 de Novembro de 2005

As diversas respostas antirrepressivas provocadas polas detençons de independentistas no passado dia 14 de Novembro em Compostela, Ourense, Vigo e Lugo, dérom lugar a umha reuniom em regime de auto-convocatória que serviu, na tarde de sábado, para concretizar a convocatória de umha manifestaçom contra a repressom. A convocatória corresponde a numerosas entidades políticas e sociais. Em concreto, confirmárom a sua participaçom: AGIR, BRIGA, AMI, BDG, MNG, PCPG, NÓS-UP, Artábria, Revira, Henriqueta Outeiro, Gentalha do Pichel, a Assembleia Aberta da Baiuca Vermelha, Treme a Terra, Xuventude Comunista Galega e Siareir@s galeg@s.

A manifestaçom, de carácter nacional, decorrerá em Compostela no próximo sábado dia 3 de Dezembro, às 17 horas, partindo da Alameda. A legenda será "Em defesa dos nossos direitos. PAREMOS A REPRESSOM", e servirá para dar continuidade a outras iniciativas como a manifestaçom convocada por CEIVAR que ontem percorreu as ruas da capital para receber @s dez detid@s no passado dia 14. A mobilizaçom, com mais de umha centena de participantes, percorreu diversas ruas da cidade e deu passagem a umha conferência de imprensa em que se denunciou a operaçom repressiva conduzida pola Guarda Civil na semana passada contra a esquerda independentista galega.


Voltar à página principal