Compostela: AGIR organiza as V Jornadas Marxistas, dedicadas ao tema "ensino e capitalismo"
24 de Abril de 2005
Nas próximas terça e quarta-feiras, dias 26 e 28 de Abril, decorrerám na Faculdade de Filosofia de Compostela as V Jornadas Marxistas organizadas anualmente pola entidade estudantil da esquerda independentista, AGIR, e que nesta ediçom serám dedicadas ao tema "ensino e capitalismo".
As duas jornadas que incluirá o evento servirám para analisar a fundo o negativo significado do Processo de Bolonha em que se acham envolvidas as universidades galegas e, através dele, fazer umha crítica radical do modelo capitalista e neoliberal de Uniom Europeia que o Estado espanhol impom ao estudantado e ao Povo Trabalhador Galego.
Especialistas e activistas pertencentes ao ámbito do ensino, sindical, cultural e lingüístico intervirám nos três debates previstos. Apresentamos a seguir o programa completo, remetendo para o web de AGIR, onde podem ser consultados mais pormenores sobre a iniciativa.
V Jornadas Marxistas. Programa
Local e horário: Sala 1 da Faculdade de Filosofia (Cámpus Sul) às 19:30 h,
Terça-feira 26 de Abril
A liberalizaçom dos serviços no marco da Uniom Europeia
Juan Carlos Pardo
Pérez (Prof. Titular de Psicologia da Educaçom)
André Seoane Antelo (membro da Direcçom Nacional de NÓS-UP)
Quarta-feira 27 de Abril
A mercantilizaçom da universidade galega. O processo de Bolonha
Membro do sindicato
CIG
Coordinadora d´Estudiants dels Països Catalans (CEPC)
Afonso Mendez Souto (membro do Conselho Nacional de AGIR)
Quinta-feira 28 de Abril
A globalizaçom capitalista e a desapariçom das línguas e culturas nacionais no ensino
Marcial Gondar
Portasany (Prof. Catedrático do Dep. de Filosofia e Antropologia Social)
Isabel Vaqueiro Quintela (Técn. da Área de dinamizaçom
do Serviço de Normalizaçom Lingüística da USC)
Ángelo Meraio (membro da Associaçom cultural A Gentalha do Pichel)