Centro Social compostelano organiza debate sobre os meios de comunicaçom na Galiza

18 de Janeiro de 2006

O Centro Social Henriqueta Outeiro, sediado na rua Quiroga Palácios 42 de Compostela, organiza para o próximo dia 24 de Janeiro, terça-feira, um debate protagonizado por seis profissionais da comunicaçom social escrita da Galiza.

Sob a legenda "Os meios de comunicaçom galegos a debate", o acto contará com a participaçom de Carlos Barros, director do Novas da Galiza; Perfecto Conde, redactor de A Nosa Terra; Antom Fernandes Escuredo, redactor-chefe do jornal A Peneira; Félix Soria, jornalista de La Voz de Galicia; e Maria Yañez, directora de Vieiros.

A iniciativa permitirá assistir e participar numha troca de opinions bem significativa do que é hoje por hoje o mercado da comunicaçom impressa e digital na Galiza, com o intuito de suscitar umha reflexom sobre a contradiçom entre o cada vez maior caudal de circulaçom informativa e a também crescente dificuldade de abrir caminho a focagens críticas do pensamento dominante, o imposto polo capitalismo neoliberal.

O acto começará polas 20h30 no citado local da capital galega.


Voltar à página principal