II Congresso da Memória Histórica

3 de Dezembro de 2005

O edifício de serviços múltiplos do Burgo, em Culheredo, acolhe desde anteontem o II Congresso da Memória Histórica, organizado pola associaçom Memória Histórica Democrática. Esta iniciativa dá continuidade ao primeiro congresso realizado de 4 a 7 de Dezembro de 2003 em Narom.

Nesta ocasiom, o evento mais importante de recuperaçom da memória colectiva da Galiza, é dividido em duas temáticas, a II República, e a Guerra Civil e a repressom, incluindo mais de trinta comunicaçons sobre diversas temáticas da etapa mais destacada da história contemporánea do nosso país.

Além da apresentaçom dos trabalhos, foi projectado o documental "Aillados" que narra a dureza do campo de concentraçom fascista instalado na ilha de Sam Simom, na ria de Vigo, recolhendo diversas testemunhas de sobreviventes.

Na tarde de ontem tivo lugar entre @s assistentes, após a leitura das comunicaçons, um intenso e interessante debate sobre a necessidade ou nom de dar a conhecer os nomes dos carrascos, as medidas que se devem adoptar para reabilitar as vítimas e poder recuperar o património colectivo e individual espoliado polo fascismo, entregando-o ao seus legítimos herdeiros.

 

Voltar à página principal